Клаксвик го победи и Молде, Галатасарај сигурен во Љубљана!
Клаксвик уште еднаш му се обрати на светот за внимание, овојпат го совладаа норвешкиот Молде со 2-1 и обезбедија предност пред реваншот.
Во првиот дел мрежите мируваа, а резултатот го отвори Молде со гол на Еикрем во 49. минута, се чинеше дека Норвежаните ќе дојдат до победа, но момците од Фарските острови не се предадоа.
Фредериксберг во 64. минута прво изедначи на 1-1, а истиот фудбалер во 86. минута даде уште еден гол за комплетен пресврт и победа од 2-1 на Клаксвик.
Галатасарај си ја заврши работата уште во Љубљана откако оствари победа со 3-0 над Олимпија. Првиот гол го постигна Актуркоглу во првото полувреме, а во вториот дел погодија и Мертенс и Дервишоглу.
Српскиот тим, Бачка Топола доживеа висок пораз од 3-0 на гостувањето кај Брага која е сериозен фаворит во овој двомеч.
Убедлив беше и ПСВ кој со 4-1 го победи Штурм, Раков со 2-1 славеше над Арис Лимасол, а немаше голови на дуелот меѓу Копенхаген и Спарта Прага.
Мечот меѓу АЕК и Динамо Загреб е одложен поради убиството на навивачот на грчкиот тим.
