Кинески хакери го пробиле е-мејл профилот на американскиот амбасадор во Кина
Хакери со седиште во Кина ја пробиле сметката за е-пошта на американскиот амбасадор во Кина, Николас Барнс, како дел од неодамнешната насочена кампања за собирање разузнавачки информации, изјавија за Си-Ен-Ен тројца американски претставници запознаени со ова прашање.
Хакерите, исто така, пристапиле до е-мејл сметката на Даниел Критенбринк, помошник државен секретар за Источна Азија, кој неодамна отпатувал со државниот секретар Антони Блинкен во Кина, велат луѓето.
CNN побара коментар од Стејт департментот.
Веста, која првпат ја објави Волстрит журнал, ги дополнува последиците за САД од наводниот кинески хакирање што првпат беше откриен минатата недела. Хакерите се инфилтрирале и во мејловите на министерката за трговија Џина Раимондо, претходно објави Си-Ен-Ен.
