Кавадарчанец и пуштал порнографија на својата шестгодишна ќерка
Јавното обвинителство бара 30-дневен притвор за кавадарчанец кој се сомничи дека на сопствената шестгодишна ќерка и пуштал порнографска содржина и вршел полови дејствија.
Како што соопшти ОЈО, донесена е Наредба за спроведување истражна постапка против 42-годишник за кого постои основано сомнение дека подолг временски период вршел други полови дејствија спрема неговата ќерка родена во 2016 година.
–Постои сомнение дека тој во повеќе наврати, во текот на 2022 и 2023 година, искористувајќи што со девојчето живеел во иста семејна заедница, и прикажувал видеа со порнографска содржина и кон неа продолжено вршел други полови дејствија, санкционирани во член 188 став 5 од Кривичниот законик. По предлог на надлежниот јавен обвинител, судијата на претходна постапка од Основниот суд во Кавадарци определи мерка притвор во траење од 30 дена за осомниченото лице, велат од ОЈО.
