Кариерата ја заврши фудбалерот кој не сакаше да потпише за Барселона

Кариерата ја почна во Сошо од каде во 2005 година отиде во Тулуз за пет милиони евра. Четири сезони подоцна како слободен играч потпиша за Валенсија и таму остави најголем белег.

Во 2014 година Барселона за него плати 20 милиони евра, а три години подоцна го пушти во Спортинг. Последните две години ги играше за францускиот нисколигаш Лујнес.

Речиси секој фудбалер сонува да игра за Барселона, Матју е еден од малкумината кои можат да се пофалат со тоа. Но изненадувачки, тој не сакал да потпише за каталонскиот клуб.

„Не сакав да одам во Барселона. Уживав во Валенсија каде бев и капитен. Уживав во животот во Баленсија и се прашував зошто би одел во Барселона да ја греам клупата. Дури пробав да направам една измама со договорот за да пропадне трансферот во Барселона, но не успеав“, рече Матју во една прилика.