Карамбол во Битола, се судрија два автомобили, оштетени уште три паркирани и една канделабра
На 28.05.2023 година во 03.20 часот во Битола случена е сообраќајна незгода на „Булевар 1-ви Мај“ во која учесници се патничко моторно возило марка “опел” со битолски ознаки управувано од А. Ј.(26) од Битола и сопатник
Е. П.(41) од Битола, патничко возило марка “рено” со битолски ознаки управувано од З. Р.(47) од Битола и три паркирани возила, дознава 4NEWS.mk
И тоа патничко возило марка “хјундаи” со битолски ознаки сопственост на Н. П.(52) од Битола, паркирано возило марка “пежо” со битолски ознаки исто сопственост на Н.П.(52), паркирано возило марка “хјундаи” со битолски ознаки сопственост на Ј. К.(43) од Битола при што оштетена е и бетонска канделабра сопственост на Општина Битола.
Во незгодата со телесни повреди се добиле возачот и сопатникот во патничкото возило “опел” А.Ј и Е.П при што истите се задржани во Клиничка болница Битола на лекување.
Увидот го извршила увидната екипа на СВР Битола.
