КАКОВ ПАРАДОКС: ТУРЦИЈА НА ХРВАТСКА Ѝ ДАДЕ 200 КОНТЕЊЕРИ ЗА ЖИВОТ ПО ЗЕМЈОТРЕСОТ – Хрватите сега не можат да ги вратат, еве која е причината

Турската влада и донираше 200 контејнери за домување на Хрватска, во јануари 2021 година, по катастрофалниот земјотрес во областа Банија. Денес, кога таа земја ја погоди далеку поразорен земјотрес, Хрватска не може да ја врати донацијата, бидејќи и две години по земјотресот, луѓето се уште живеат во турските контејнери.

Од Министерството за просторно планирање, градежништво и државен имот на Хрватска, со кое неодамна раководи Бранко Бачиќ од ХДЗ, ја потврдија оваа информација, а не одговорија на директно прашање дали Хрватска може да ја врати или возврати донацијата на контејнери за домување.

Турската помош беше важна за време на земјотресот

„Пријателството се рефлектира на материјален, конкретен начин во овие тешки времиња во кои е потребна помош од пријателите“, рече Мустафа Бабур Хизлан, амбасадор на Турција, кога ја посети Петриња во 2021 година. Уште повеќе, во првите денови по разорниот земјотрес на 29 декември, Турција испрати 480 шатори и 272 грејни тела во округот Сисак-Мославина.

Меѓу оваа помош имаше и контејнери за сместување, а повеќето од овие контејнери сè уште се во употреба. Како што за Индекс.хр изјавиле од градот Сисак, турската помош во опрема и контејнери била многу важна во моментот на земјотресот.

„Турските контејнери се меѓу најдобро опремените“

„Со оглед на тоа што реконструкцијата на куќите и станбените згради не е ни приближно завршена, семејствата чии куќи и станови беа оштетени во земјотресот на 29 декември 2020 година сè уште се сместени во контејнерски населби. Во областа Сисак, неколку контејнерски населби беа распуштени, од каде што нивните жители беа преместени во привремено постојано сместување, но приоритетно беа демонтирани населбите со контејнери со полоши услови за живеење и помалку опремени. Турските контејнери се меѓу најдобро опремените“, рекле од Град Сисак.

Како што посочуваат, во контејнерските населби на подрачјето на градот Сисак има уште 60 турски контејнери, за кои се грижи Штабот за цивилна заштита на градот Сисак, но во нив се сместени семејствата кои останале бездомници во земјотресот, а нивното преместување во моментов е невозможно.

Повеќето од контејнерите се во употреба

„Постои можност поединечни контејнери од турската помош да се наоѓаат веднаш до домовите на луѓето, но за тоа немаме информации“, изјавиле оттаму.

Од Министерството за градежништво потврдиле дека контејнерите од турската донација се уште се во употреба, а помал дел од контејнерите кои веќе не се во употреба се вратени во Дирекцијата за цивилна заштита на Република Хрватска.

„Поголемиот дел од контејнерите кои беа добиени како донаторска помош од Турција се уште се користат во областа Бановина“, велат од Министерството за градежништво. Тие не одговориле на директното прашање дали Хрватска може да ја врати или возврати донацијата на контејнери за домување.

Имндекс.хр