Како да спречите создавање брчки при спиење
Дерматологот од Њујорк, Дебра Џелимен, објасни како спиењето влијае на појавата на брчките и што можеме да направиме за да ја намалиме длабочината на брчките.
Иако за време на спиењето никој не може да влијае на тоа како спие и колку се превртува во текот на ноќта, сепак можете да влијаете на тоа во која положба ќе заспиете, на што ќе спиете и што ќе ставите навечер на своето лице.
Спијте на грб – Спиењето на стомак или на страна создава постојан притисок на вашето лице, а со време тоа може да влијае на создавањето брчки. Но на многумина спиењето на грб не им е удобно, па д-р Џелимен смета дека со вежби и тоа може да стане пријатно.
Заборавете на памучна постелнина за перници – Памучните навлаки се туткаат и поттикнуваат создавање брчки, додека сатенските и свилените навлаки не прават набори на лицето, бидејќи вашата кожа се лизга по ткаенината.
Не заборавајте на ноќната крема – Таа е густа и поради тоа длабински ја хидрира кожата. Изберете ја онаа што содржи поголем процент на хијалуронска киселина, која помага да се одржи цврстината на кожата.
