Кадетите декласирани и од Литванија, во осминафиналето одат на Словенија

Фаворитот кој го освои првото место во групата, имаше само полесен тренинг против нашите надежи, иако резултатот немаше катастрофални размери во првата фаза од мечот, па на голем одмор заминавме со 25-38.

Затоа второто полувреме го загубивме со 26-57, само како за потврда на разликата во квалитет, која се виде и со вчерашниот пораз од Франција (56-113). Никола Јаничиќ со 15 поени се издвои како единствен со двоцифрен ефект.

Поради победата над Белгија во првата рунда, сепак Македонија го освои третото место во групата, а според системот на играње, во кој сите репрезентации продолжуваат во елиминацискиот сегмент, следниот предизвик ќе ни биде второпласираната од групата А, селекцијата на Словенија. Тој меч е закажан за в среда од 16 часот.