Израелските војници случајно убиле тројца заложници во Газа
Израелските војници случајно убиле тројца заложници во Газа, откако ги згрешиле за време на операцијата против баталјонот на Хамас во градот Газа, изјави портпаролот на израелската војска Даниел Хагари.
Набргу по инцидентот во областа Шејаија, се појавија сомневања дека убиените би можеле да бидат заложници, рече Хагари. Телата потоа биле однесени на израелска територија на подетален преглед. Потврдено е дека се работи за израелски заложници.
„Ова е трагичен инцидент, армијата сноси целосна одговорност“, продолжи Хагари. Армијата веднаш започна истрага за инцидентот.
Хагари нагласи дека Шејаија е „активна борбена зона“ во која последните денови се водеа борби и изрази сочувство до семејствата на заложниците.
