Излезе од затвор човекот кој ги даде клучевите од Собранието на 27-ми април, Абдуљфета Алими беше пречекан од Зијадин Села (ВИДЕО)
По шест години поминати во затвор оти ги даде клучевите од Собранието на 27-ми април, попладнево од затворот во Скопје излезе Абдилфета Алими.
Пред затворот дојдоа негови пријатели и роднини за да го пречекаат Алими. Меѓу нив беше и поранешниот лидер на Алијанса за Албанците Зијадин Села.
„Во добра здравствена состојба сум, им благодарам на моето семејство, на моите соселани, на сите Албанци за поддршката, особено на мојот пријател Зијадин Села кој во секој момент ми го вардеше грбот. Ви благодарам вам и на медиумите што ме поддржувате. Слободата е скапа, тука поминав многу време. Годините овде не беа лесни, но со божја помош ги минав“, рече Алими.
Алими одлежа 6 години и два месеци затвор затоа што им фи даде клучевите на поранешни пратеници на ВМРО-ДПМНЕ, Крсто Мукоски и Сашо Василевски, кои ги отворија главните порти на Собрание и им овозможија на насилните демонстранти да влезат во Собранието.
Судот предвиде дека казната против него заслужува повисок степен, но поради хуманото постапување (за спасување на животот на Села), судискиот совет ја намали ефективната мерка со определување ефективни 7 години затвор.
Судијката Добрила Кацарска тогаш рече дека е неспорен факт дека Алими го спасил пратеникот Зијадин Села, но и дека на снимките се гледа како ги дава клучевите од собраниските врати. Обвинителката Вилма Русковска пак во телевизиско интервју тврдеше дека Села бил спасен од еден од демонстрантите во Собранието, а не од Алими.
Абдулфета Адеми беше сведок во случајот за обид за убиство на Села предложен од јавното обвинителство. Тој во судница сведочеше за крвавите настани од 27 април и раскажа како успеале да го спасат лидерот на Алијансата од бесната толпа која повикувала на убиство. Алими раскажуваше како насилниците кои сакале да го убијат Села отстапиле откако тој им кажал дека Села е мртов. Потоа го однел во една од канцелариите на горниот кат, а од законодавниот дом успеал да го извлече по неколку часа, дури откако пристигнале полицајците. Зијадин Села бил изваден од Собранието маскиран во полицаец и бил пренесен на клиника со оклопно возило.