Изгубена берачка на печурки, по целовечерна тимска потрага утрово е пронајдена!
Регионалниот ЦУК Охрид, известува по информација од СВР Охрид дека едно лице од с. Горно Средорече се изгубило од 20:40 часот вчера (20.06.2023 година) и по него е организирана потрага. По целовечерна, тимски комбинирана, потрага во раните утрински часови изгубеното лице е пронајдено во добра здравствена состојба
Имено, сопругот, кој го пријавил исчезнувањето, информирал дека биле задно да собираат печурки на различни локации низ шума. Кога требало да се сретнат на договореното место, кај нивниот автомобил, лицето не се појавило.
Во потрага по исчезнатото лице била вклучена и единицата за спасување на планина со куче за обучено за пребарување, екипа на полицијата од СВР Охрид, како и мештани од селото, и роднини на исчезнатото лице.
Потрагата траела за дел од трагачите до еден часот по полноќ, дел од мештаните и роднините останале на терен. Денеска, (20.06.2023 година), утрово од 05.00 часот сите екипи излегле на терен, по што за кратко време изгубеното лице било пронајдено.
