Изгореа илјадници куќи во елитен кварт во близина на Лос Анџелес: Има и мртви луѓе
Најмалку две лица загинаа, а многу други се сериозно повредени во пожарите кои беснеат низ областа на Лос Анџелес, соопштија пожарникарите во средата, додавајќи дека илјадници луѓе мора да бидат евакуирани.
„За жал, имаме двајца загинати цивили и имаме многу сериозни повреди“, им рече на новинарите шефот на пожарникарите во Лос Анџелес, Ентони Мароне.
Тој додаде дека околу илјада домови се уништени во населбата Пацифик Палисадес меѓу крајбрежните градови Санта Моника и Малибу. Тоа е област во која живеат многу филмски и музички ѕвезди. „Имаме повеќе од 2.000 хектари кои изгореа и огнот е се посилен“, изјави Мароне.
Мароне нагласи дека моментално нема доволно пожарникари во округот Лос Анџелес за да се борат со неколку истовремени големи пожари, објави Ројтерс. Пред да избие пожарот, Националната метеоролошка служба го издаде своето највисоко предупредување за екстремни услови за пожар во поголемиот дел од округот Лос Анџелес од вторник до четврток.
Поради малата влажност и сувата вегетација поради недостигот на дожд, условите беа идеални за ширење на пожарот. Топлите ветрови, типични за зимата во Калифорнија, во среда би можеле да налетаат и до 100 милји на час, соопшти метеоролошката служба. Ова може дополнително да ги разгори пожарите и да биде фатално.
