ИТНО СЕ ПОВЛЕКУВА ОВОЈ ЛЕК ОД АПТЕКИТЕ ВО СОСЕДСТВОТО – откриено микробиолошко загадување!
Капсулите за желудник Kreon 10.000 на компанијата Виатрис Хрватска се повлекуваат од аптеките на хрватскиот пазар, соопшти денеска Агенцијата за лекови и медицински производи (ХАЛМЕД).
Партијата 64840 од овој лек кој се користи за проблеми со панкреасот и желудникот се повлекува поради дефекти во квалитетот.
Се вели дека повлечената серија содржи одредена микробиолошка контаминација.
На хрватскиот пазар достапни се и други серии на лекови кои не се засегнати од споменатата неисправност, се наведува во соопштението на ХАЛМЕД, во кое се додава дека врз основа на расположливите податоци засега нема ризик за безбедноста на пациентите кои го земаат овој лек.
