Иранскиот претседател: Нема ни да преговарам со САД, нека прават што сакаат по ѓаволите
Иранскиот претседател Масуд Пезешкијан изјави дека Иран нема да преговара со САД сè додека тоа му се заканува, порачувајќи му на американскиот претседател Доналд Трамп да прави што сака, објавија денеска иранските државни медиуми. „За нас не е прифатливо тие (САД) да даваат наредби и да се закануваат. Јас дури и нема да преговарам со вас. Правете што по ѓаволите сакате“, рече Пезешкијан.
Врховниот лидер на Иран, ајатолахот Али Хамнеи, вчера изјави дека Техеран нема да дозволи да биде принуден на преговори, еден ден откако Трамп рече дека испратил писмо до Иран во кое го повикува да преговара за нов нуклеарен договор.
Изразувајќи отвореност за договор со Техеран, Трамп повторно води кампања на максимален притисок, како и во неговиот прв мандат, да го изолира Иран од глобалната економија и да го прекине извозот на нафта.
