ИНФЛАЦИЈА: Се намали во Грција, а во Турција во 2026 година ќе биде едноцифрена
Се намалила инфлацијата кај јужниот сосед. Годишната стапка на инфлација во Грција се намали во мај од 3,1 отсто во април на 2,4 отсто, објави денеска грчкиот Институт за статистика ЕЛСТАТ.
Цените на храната и безалкохолните пијалоци се зголемија во мај за 3,1 отсто на годишно ниво, забавувајќи во однос на априлските 5,4 отсто, а цените во грчкото здравство се зголемија за 2,2 отсто на годишно ниво во однос на априлските 3,6 отсто.
Цените на облеката и обувките се зголемени за 6,4 отсто на годишно ниво, а на превозот за четири отсто.
Во мај алкохолните пијалоци и тутунот поскапеле за 1,6 отсто на годишно ниво, во рекреација и култура за 2,2 отсто, а во образование за 3,5 отсто. На месечна основа, цените во Грција се намалија за 0,3 отсто во однос на април.
Екстремно висока инфлација има во Турција и таа ќе се намали во 2026 година.
Годишната стапка на инфлација се зголеми во мај од 69,8 отсто во април на 75,45 отсто, објави претходно турскиот институт за статистика Туркстат. На месечна основа, инфлацијата се зголеми за 3,37 отсто во однос на април, а годишната базна стапка на инфлација во Турција благо се намали од 75,81 отсто на 74,98 отсто во мај.
foto freepik.com/jcomp
