ИНЦИДЕНТ ВО СЛОВЕНИЈА: Наставник со пенкало трипати прободел ученик во вратот
Наставник со пенкало трипати прободел ученик во врат во Словенија.
Немилиот настан се случил на почетокот на месецот во училиште во Крањ. Како што пренесуваат словенечките медиуми, момчето е полесно повредено. Управата на училиштето го суспендирала наставникот, а полицијата води истрага.
Од полициската управа Крањ потврдија дека имало напад во едно од основните училишта, но не ги откриваат деталите, како што рекоа, поради заштита на личните податоци, секундарна виктимизација на жртвата и одредбите од Кривичниот законик.
Полициски службеници водат истражна постапка против едно лице. Годинава имаше масакр во училиште во Белград, каде ученик уби 9 лица, а потоа имаше закани дека такво сценарио ќе се случи и во други училишта во регионот.
