И последната пациентка од пожарот во Кочани отпуштена од болницата во Солун

Од солунската болница „Папаниколау“ вчера беше отпуштена и последната пациентка хоспитализирана по трагичниот пожар во Кочани.

Заедно со уште две лица, таа беше примена на 16 март со сериозни изгореници. Болницата соопшти дека тројцата млади пациенти успешно го завршиле третманот, благодарение на посветената грижа на медицинскиот персонал.

Првата пациентка беше отпуштена во април, вториот пациент пред две недели, а последната замина вчера, на 26 мај. Во соопштението се наведува дека лекувањето било предизвикувачко, но успешно, а отпустот поминал во емотивна атмосфера.

Во Атина сè уште се лекуваат уште двајца повредени, но се наоѓаат во стабилна состојба и наскоро се очекува и тие да се вратат дома.