И ПО СЕДУМ ГОДИНИ ОД ГОЛЕМАТА ИЗМАМА ИЛЈАДНИЦИ ЛУЃЕ ГИ ДОБИВААТ ИЗГУБЕНИТЕ ПАРИ: Германска компанија има уште многу да враќа
Седум години по колапсот на инвестициските компании P&R,
стечајниот управник исплаќа дополнителни 122 милиони евра за 54.000 измамени
инвеститори. Вклучувајќи ги претходните исплати, доверителите досега вкупно
примиле 666 милиони евра, објави стечајниот управник Мајкл Џафе.
Вкупно пријавените побарувања изнесуваат над три милијарди евра, што значи дека
адвокатот досега успеал да врати повеќе од една петтина од вкупните побарувања.
Тоа е значително поголем процент на поврат отколку што е вообичаено во
стечајните постапки.
Откриена голема измама по банкротот
Групацијата P&R, со седиште во елитното предградие на Минхен – Гринвалд,
нудеше поморски контејнери како облик на инвестирање: инвеститорите купувале
контејнери кои потоа се изнајмувале.
По стечајот во 2018 година, се покажа дека станува збор за голема измама: од
наводно продадени 1,6 милиони контејнери, во реалноста постоеле само 618.000.
Доверителите можат да
очекуваат дополнителни исплати
Причината поради која Џафе успева да врати релативно голем дел од парите на
инвеститорите делумно лежи во растот на цените на поморскиот транспорт за време
на пандемијата со коронавирусот. Тој продолжил со изнајмување на контејнерите и
по стечајот, остварувајќи постојани приходи, пишува Focus.
Контејнерите кои го достигнале крајот на својот работен век се продаваат, со
што дополнително се обезбедуваат средства за исплатите.
Стечајниот управник најави уште исплати, но не наведе точен датум.
фото: Фактор
