ХРВАТИТЕ СЕ ПЛАШАТ ДЕКА НИВНАТА СЕЗОНА ЌЕ ПУКНЕ: Туристите веќе почнаа да ги избегнуваат во широк круг, еве зошто се толку огорчени!
Поради високите цени на хрватското приморје, Чесите решија да ги „казнат“ Хрватите и поради оваа причина повеќе сакаат да ја изберат Италија за одмор, пишува чешкиот портал iDnes во изминатите неколку дена.
Една од главните причини зошто Чесите ги ограничија своите патувања до Јадранот беше забележително зголемување на цената на услугите, вклучително и воведувањето на такси за туширање на плажа.
– Претпоставувам дека сегашниот масовен туризам на Чешка постепено ќе се пресели на друго место – изјави експертот за туризам Станислав Зима. Соседната Италија, како и Египет, особено доаѓаат во предвид.
Традиционалните и омилени гости во Хрватска, според официјалните податоци на чешкиот државен завод за статистика, пристигнале на Јадранот во нешто помал број од вообичаено.
Според овие податоци, од Чешка има 30 илјади туристи помалку од лани. Оваа бројка е загрижувачка бидејќи 2023 година беше рекордна по бројот на туристи од Чешка кои решија својот одмор од најмалку четири дена да го поминат во Хрватска.
Од цените незадоволни се и Германците
Имено, два германски медиуми ТЗ и Меркур наведуваат дека сместувањето за туристи во Хрватска поскапело за 30 отсто. Според претседателката на Хрватското здружение за семејно сместување, Барбара Марковиќ, Хрватска е „25 отсто поскапа од конкуренцијата, не само за ноќевања, туку и за сите други релевантни понуди“, пренесува N1 Загреб.
– Хрватска сега е поскапа од Шпанија и Грција, а цените секој ден се повисоки – рече Марковиќ.
Туристите се се понезадоволни од цените на храната, а се жалат и на цените на лежалките кои можат да чинат и до 40 евра.
– Десет невкусни ќебапи, грст замрзнато месо и мало пиво ме чинат нешто помалку од 25 евра. Сметката ја заокружив на 25 евра, но дебелата сума навистина ми беше тешко на стомакот – изјави туристката од Виена, прецизирајќи дека за ќебапи платила 17,50 евра и за пиво 7 евра.
Нема повеќе да одам на одмор овде“, вели еден германски турист.
