Христина Џамбазовска Анастасов нов Генерален Директор на Триглав Осигурување Живот
Христина Џамбазовска Анастасов е нов Генерален Директор и Извршен член на Одборот на директори во Друштвото за осигурување Триглав Осигурување Живот АД Скопје.
Таа доаѓа на оваа позиција, откако досегашната директорка Вилма Учета Бузлевска доби нова позиција во корпорацијата. Џамбазовска Анастасов има повеќе годишно искуство на клучни секторски позиции во осигурителниот сектор.
Одлуката веќе е објавена и на Македонска берза.
– Согласно член 166 б од Законот за хартии од вредност, ве известуваме дека е извршена промена во членовите на органот на управување на Триглав Осигурување Живот АД Скопје.
По поднесената оставка од страна на г-ѓа Вилма Учета Бузлевска поради нејзин ангажман во друго друштво во рамките на групацијата Триглав, а врз основа на добиена согласност за вршење на функцијата член на орган на управување за г-ѓа Христина Џамбазовска Анастасов, извршена е промена во органот на управување на Триглав Осигурување Живот АД Скопје.
Останатите членови на Одборот на директори ја продолжуваат својата работа во Одборот на директори со постојниот мандат.
Одборот на директори е составен од следните членови:
1. Г-дин Тедо Дјекановиќ, неизвршен член и Претседател на Одборот на директори.
2. Г-ѓа Христина Џамбазовска Анастасов, извршен член на Одборот на директори.
3. Г-дин Иван Сотошек, неизвршен член на Одборот на директори.
4. Г-дин Владимир Мишо Чеплак, независен неизвршен член на Одборот на директори.
5. Г-дин Ѓорѓи Јанчевски, независен неизвршен член на Одборот на директори.
