Холандската принцеза се преселила во Шпанија за да избега од заканите
Холандската престолонаследничка, принцезата Амалија побегна во Шпанија за да ги избегне заканите по нејзината безбедност, објавија локалните медиуми.
Принцезата (20) живее и студира во Мадрид повеќе од една година, објави јавната телевизија НОС, повикувајќи се на кралски извори.
Се додава дека таа таму ужива голема слобода на движење.
Во октомври 2022 година, Амалија беше принудена да ги напушти плановите да живее студентски живот поради безбедносни стравови, само неколку недели откако започна на Универзитетот во Амстердам да студира политика, психологија, право и економија.
Наследничката на холандскиот престол беше фотографирана насмеана на почетокот на студиите, со намера да живее во студентско сместување.
Но, кралската двојка подоцна изјави дека нивната ќерка била принудена да се врати во силно чуваната палата во Хаг.
