Хепатитис во боровинки, се заразиле 12 лица: Се повикуваат купувачите да го вратат производот!
Дванаесет лица во Холандија се заразиле со хепатитис А откако вирусот дошол во контакт со боровинки. Како што пренесува холандскиот портал Nu.nl, една од причините зошто тоа можело да се случи е тоа што берачот на боровинки не ги измил рацете по користењето на тоалетот.
Како што пренесуваат холандските медиуми, загадените боровинки се продавале замрзнати во супермаркетите „Алберт Хејн“, спакувани во вреќи од еден килограм.
Боровинките пристигнаа од Полска, а наведениот датум на истекување беше 14 април 2026 година. Еелко Франц, претставник на Националниот институт за јавно здравје и животна средина, рече дека стотици луѓе може да се заразат во моментов, додека трговскиот синџир ги повика клиентите да ги вратат боровинките во продавницата.
Франц забележува дека двајца пациенти се хоспитализирани и се во тешка состојба.
Според него, возраста на заболените се движи од 25 до 77 години. Како што пишуваат холандските медиуми, голем дел од заразените можеби не ни знаат дека ја имаат болеста, бидејќи некои во лесна форма го преболуваат хепатитисот А и воопшто не се консултираат со лекар.
Првите пријави за заболени дојдоа од матичните лекари, а подоцна општинската здравствена служба потврди дека боровинките се причина за заразата.
Експертот нагласи дека вирусот на хепатитис А не може да влезе во боровинките, туку е присутен на нивната површина.
