Хајдук за четири часа ги распродаде сите билети и тоа – шест дена пред дуелот со ПАОК!
Дека фудбалската еуфорија во Сплит е голема покажа јадранското дерби против Ријека пред неколку дена, кое се одигра пред преполни трибини, а се потврди со фактот што влезниците за пресметката со Грците се распродадоа за само четири часа.
„Во моментов нема повеќе билети ниту слободни места за натпреварот Хајдук – ПАОК на Пољуд. За само четири часа се пополнето сите места кои беа во слободна продажба“, објави вицешампионот на Хрватска.
Хајдук одлично ја стартуваше новата сезона, победувајќи ги главните ривали Динамо (гости) и Ријека, а со тие резултати уште повеќе ја зголеми еуфоријата пред претстојниот европски дуел. „Билите“ викендов требаше да играат против Осијек во ХНЛ, но тој меч беше откажан токму поради обврските на двата клуба во Европа.
