Групно крштевање во Тиквешко езеро
“Почитувани, со благослов на Неговото Високопреосвештенство митрополит Повардарски Г. Агатангел, на ден 15.07.2023 година, Сабота, во водите на Тиквешкото Езеро ќе се изврши групна крштевка.
Сите оние возрасни лица, кои од различни причини до сега не се крстени, а сакаат да ја примат светата тајна Крштение и Миропомазание, и да станат членови на Светата Православна Црква можат да се пријават за крштевање во храмовите Св. Петка и Св. Димитрија – Кавадарци. Лицата кои ќе сакаат да ја примат Светата Тајна Крштение, потребно е да имаат и кум, кој е крстен.
Христос е помеѓу нас!
Е, и ќе биде!” се наведува на ФБ профилот на Повардарската епархија во врска со групното крштевање на Тиквешко езеро кое стана традиција.
