„Гранит“ ангажирал 30 Индијци за работа на автопатот Кичево – Охрид
Најголемата градежна компанија во земјава Гранит ангажирала триесетина работници од Индија, кои од март годинава работат како управувачи на камиони и друга механизација.
Андреа Серафимовски, генерален директор на „Гранит АД Скопје“ за Слободен печат вели дека тие работат на автопатот Кичево – Охрид, каде што компанијата е подизведувач на „Синохидро“.
На овој потег биле принудени поради постојаниот одлив на вакви кадри, а за нив било крајно непродуктивно механизација вредна илјадници евра да им стои во место.
– Ова се вредни луѓе, обезбедивме сместување за нив, а работните обврски им ги пренесуваат дел од нивните колеги, кои знаат и разбираат англиски јазик – додава Серафимовски.
