Гранит Џака си оди од Арсенал – се договорил веќе со Баер Леверкузен

Џака седум години е дел од Арсенал, кога дојде за 45 милиони евра од Борусија Менхенгладбах, а сега „гуруто за трансфери“ Фабрицио Романо објави дека тој ќе се пресели кај „фармацевтите“.

„Џака треба да си замине од Арсенал по завршување на сезоната. Немаше преговори за нов договор и затоа планира разделба во јуни. Баер Леверкузен е веќе во поодминати преговори со Џака и се споменува отштета од 15 милиони евра. Џака веќе личните услови со Баер за четиригодишен договор“, објави Романо.

Швајцарецот беше стандарден во тимот на Микел Артета и одигра 45 меча во кои за 3.564 минути даде седум гола и имаше седум асистенции.