ГРАЃАНИТЕ СЕ ЖАЛАТ ОД СЕЈФ СИТИ: Камерите пишуваат двојно поголема брзина
Новиот систем за контрола на сообраќајот „Безбеден град“ веќе почна да предизвикува револт кај возачите во Скопје.
На социјалните мрежи и во групите за сообраќајни информации веќе се шират сведоштва за наводни технички грешки на радарите, каде граѓаните тврдат дека добиваат казни со нереално високи брзини.
Во една од популарните Вибер групи за информирање на возачите, корисник сподели искуство дека на клучката кај населбата Ченто кон Хиподром, иако управувал камион со брзина од 50 км/час, му пристигнал записник во кој стои дека се движел со дури 99 км/час.
„Внимание, утрово во 6:58 часот на клучката кај Ченто… возев 50 км. (со камион), а ми пристигна записник дека сум возел 99 км. Не е прв пат“, стои во објавата која ги вознемири возачите.
По серијата поплаки за неточни податоци и проблеми со известувањата, Министерството за внатрешни работи (МВР) излезе со официјално соопштение. Почнувајќи од 17 декември граѓаните можат директно да ги пријават ваквите неправилности.
Каде можете да се обратите?
Од МВР уверуваат дека сите забелешки ќе бидат евидентирани и разгледани согласно утврдените процедури, со цел да се унапреди работењето на системот и да се осигура дека санкциите се правични.
