ГРАЃАНИТЕ ГИ БОЈКОТИРААТ ТРГОВЦИТЕ: Тоа нема да ги намали на долг рок цените во Србија
Toa што граѓаните ги бојкотираат трговците, нема да ги намали цените на долг рок во Србија.
Професорот на Економскиот факултет во Белград, Горан Петковиќ, изјави дека повикот за бојкот на купувањето во пет трговски синџири ќе има негативен маркетиншки ефект врз бизнисот, но дека нема да има долгорочни ефекти врз намалувањето на високите цени. Тој за Бета изјави дека малопродажната цена се состои од три компоненти, едната е набавната цена, односно цената на производителот, втората е разликата во цената што ја присвојуваат трговците и третата е данокот што припаѓа на државата, пренесува Н1.
„Справувањето со само една алка, маржата на трговците во тој синџир на снабдување, за да се утврди зошто цените се високи во Србија, мислам дека не е доволно, но добро е ако таа акција биде поттик за Комисијата за заштита на конкуренцијата да почне да работи и посеопфатно да се справи со овој проблем“, рече Петковиќ.
Граѓаните на Хрватска, БиХ, Црна Гора, Македонија бојкотираа, а потоа ист таков повик имаше во Грција, Бугарија и Романија.
FOTO TANJUG/ FOTO HINA/ Lana Slivar Dominić/ bg
