„Голем срам за адвокатите што ги бранат обвинетите, како немаат чувства и осет на ваква голема трагедија“, велат низ солзи родителите на жртвите од „Пулс“
По завршувањето на судењето во затворот Идризово, мајки на загинати млади лица во страшниот пожар во дискотеката Пулс во Кочани упатија критики против адвокатите на обвинетите.
Како што велат, голем срам за нив.
„Голем срам за адвокатите што ги бранат обвинетите, како немаат чувства и осет на ваква голема трагедија. Со која совест адвокатите на тие што се обвинети ќе земаат крвави пари. Денес се нашите деца, утре може да бидат нечии други деца, секој еден може да е следен“ рече една од мајките.
Во својата изјава една од мајките, порача дека нејзиниот син дошол од Скопје во Кочани само за концертот на ДНК.
Како што вели, таа во моментот била во Турција и не успеале да се видат.
„Отидоа на концерт за да се забавуваат, а не да ги убијат“ порача таа додавајќи дека сите родители на загинати деца ја делат нивната болка.
