Година и осум месеци затвор за сопственикот на „Беса Транс“

Сопственикот на компанијата „Беса Транс“, Беким Хаџиу, беше осуден на затворска казна од една година и осум месеци за случај поврзан со кривичното дело „фалсификување на исправа“. Покрај затворската казна, на Хаџиу му е изречена и парична казна од 800 000 денари. Освен тоа, на правното лице „Беса Транс“ му е изречена четиригодишна забрана за вршење на меѓународен превоз.

Судијата Ивица Стефановски, кој пресудата ја изрече во Основен Кривичен суд Скопје, појасни дека обвинетите – Хаџиу и правното лице „Беса Транс БТБ ДООЕЛ Скопје“, се прогласени за виновни бидејќи Хаџиу како управител, повеќепати употребил невистинит извод од лиценца за јавен превоз во меѓународен сообраќај кој наводно не бил издаден од Министерството за транспорт и врски за соодветниот автобус.

По обвинението, Хаџиу, искористувајќи ја својата позиција во компанијата, извршил серија поврзани дејства, злоупотребувајќи ги истите за употреба на фалсификувани документи преку возачите на автобусите од неговата фирма. Процесот беше воден од судија Стефановски, со обвинител Владимир Милошевски.