Германскиот парламент усвои закон со кој се олеснува законската промена на полот
Германскиот парламент со мнозинство гласови усвои закон со кој се олеснува законската промена на полот и во одредени околности пропишува високи казни за откривање на нечие претходно име или пол без негова согласност.
Законот е усвоен со 374 гласа „за“, 251 „против“ и 11 воздржани, а со него се укинува претходната одредба дека за промена на полот е неопходно лекарско уверение и одобрение од семејниот суд, јави Би-Би-Си.
Сега оние над 18 години можат да се променат во машки, женски или „различен“, опција за трет пол што веќе постои во германскиот закон.
Три месеци по барањето за промена на полот, апликантите ќе треба лично да дојдат во писарницата и имаат право да побараат воопшто да не им се заведат податоците за полот.
Намерното откривање на нечие претходно име или пол, без согласност, може да резултира со парична казна до 10.000 евра, но има исклучоци, на пример ако тоа е законска обврска поради судска постапка или полициска истрага.
За деца на возраст од 14 до 18 години, сè уште е потребна согласност од родителите или законските старатели.
Новите правила ќе стапат на сила на 1 ноември.
„На овој начин покажуваме почит кон транс, интерсексуалните и небинарните луѓе, без да им одземаме ништо на другите. Продолжуваме со модернизацијата на земјата, а тоа вклучува и препознавање на реалноста на животот“, рече канцеларот Олаф Солц по усвојувањето на законот.
Конзервативците и екстремно десничарската Алтернатива за Германија се спротивставија на законот, со предупредување дека тој може да биде злоупотребен.
„Малолетниците, без соодветна консултација, можеа да изберат нешто за што подоцна би можеле да зажалат“, рече Марајке Вулф од ЦДУ.
