Германија воведува драстични промени: Оние кои ќе одбијат да работат ќе се соочат со последиците
Оние кои ќе одбијат работа во Германија повеќе нема да добиваат помош во форма на граѓански надомест, изјави германскиот министер за труд Хубертус Хајл.
Според неговиот план, сите кои целосно ќе одбијат да работат ќе бидат лишени од бенефиции до два месеци. Но, државата ќе продолжи да им ги плаќа становите за да се спречи бездомништвото.
„Планираната уредба за целосно одбивање е насочена кон оние кои неразумно и произволно одбиваат да прифатат разумна работа што им се нуди. Регулативата ќе биде во согласност со пресудата на Сојузниот уставен суд за финансиски санкции против граѓаните“, соопшти Министерството, а пренесува списанието Феникс.
Се укинува и граѓанскиот додаток, но останува основната идеја за подобро вклучување на луѓето на пазарот на труд преку обука. Надоместокот за обука и додатокот за дополнителна обука ќе продолжи да се плаќа на учесниците на курсевите за професионална обука. Секој кој започнал подобна мерка ќе добие бонус додека не ја напушти или заврши мерката.
Германската федерална влада сака да го одобри ова ново правило до 2 јануари, а потоа треба да се примени што е можно поскоро.
„Секој што не се согласува ќе мора да се соочи со потешки последици. Како министер за труд знам едно – Германија е земја на вредни работници. Секој ден гледам луѓе кои се борат да го одржат општеството заедно. Но, некои луѓе сè уште зависат од државата, бидејќи потребата за помош може да влијае на секого, без разлика дали е поради болест, невработеност или други несреќи, а за нив важи следново – можат да се потпрат на социјалната држава“, рече министерот Хубертус Хајл.
