Гаши за папата Франциск: Неговото наследство ќе остане водич за идните генерации за изградба на посправеден, помирен и поединствен свет
Претседателот на Собранието, Африм Гаши денеска упати сочувството по повод смртта на папата Франциск.
Тој вели дека ова е длабока загуба за целото човештво.
„Како духовен лидер на нашето време, тој ги вгради принципите на мирот, социјалната правда и меѓурелигиозниот дијалог, станувајќи симбол на посветеноста кон заедничкото добро. Со својата едноставност, со безусловната љубов кон човекот и природата, Папа Франциск допре до срцата на милиони луѓе низ целиот свет, надминувајќи верски, национални или идеолошки граници“, истакнува Гаши.
Додава дека неговото наследство ќе остане водич за идните генерации за изградба на посправеден, помирен и поединствен свет.
„Во мое лично име и во име на Собранието на Република Северна Македонија, изразувам најискрени сочувства за оваа незаменлива загуба за католичкиот свет и за целото човештво. Нека биде вечен споменот за него!“, се вели во сочувството на Гаши за Папа Франциско.
