Фрчат огласи за надзорници на македонски автопати
Само два месеци откако Јавното претпријатие Државни патишта избра правен трансакциски советник за изградабата на коридорите 8 и 10-д, од пред неколку дена распишан е нов повик со кој се бара надзорник за фаза 1 за Кичево – Букојчани, но како за посебна делница од истиот проект.
Во поканата за изразување интерес до супервизорите за пан-европскиот коридор не е наведена можната сума за која се бара консултант на посебната делница, но рокот за пријавување е до 28 февруари.
Работите треба да започнат во јули 2023, а времетраењето на изградбата треба да трае 50 месеци на траса од 10,7 километри. ЈПДП веќе потпиша договор за финансирање со Европската банка за обнова и развој во висина од 110 милиони евра.
Претпријатието на средината на 14 декември информираше дека тендерот за надзор на целокупниот проект го добила компанијата „IRD ENGINEERING“ која понуди сума од 22,3 милиони евра за услугата правен консултант за изградбата на Коридор 8 и Коридор 10-д.
Инаку тоа беше втор тендер за избор на правен надзор и консултант за изградбата на автопатите што ќе ги гради американско-турскиот конзорциум „Бехтел и Енка“. Првиот беше пониптен откако избраната компанија на време не достави банкарска гаранција.
„Бехтел и Енка“.треба да ги градат автопатските делници Гостивар – Кичево, Тетово – Гостивар, Требениште – Струга – Ќафасан, како и Прилеп – Битола, откако владата во 2021 потпиша меморандум, а Собранието донесе Закон со кој го аминуваше изборот на конзорциумот.
ИРД.како компанијата што ќе го надгледува процесот на изградба на овој проект, заедно со членови на Владата минатата недела ги започнаа преговорите со „Бехтел и Енка“. Комисијата се очекува преговорите, според претходните најави од Владата, да ги води три недели со градежниот оператор.
А.К.
