ФОТО: Само четворица се појавија на анти ЛГБТ протестот во Скопје, Парадата на гордоста започнува во 17 часот
Денеска во скопската чаршија се организираше протест против Парадата на гордоста која се одржува попладне во 17 часот.
Овој протест беше најавен за од 11 часот, но на истиот само четири лица се појавија меѓу кои е и организаторот.
„Ние сме собрани заедно за единствена цел да ги заштитиме вредностите и заштитата на нашето општество, заштитата на нашата земја, заштитата на нашето семејство. Ако денес злото се организира, зошто да не се организира и доброто, зошто ние да не бидеме организираните кои повикуваат на добро, стоп злото, зошто ние во оваа држава не ја пренесеме пораката за запирање на овој дегенериран феномен, порака против грдото, против вратата, против оние кои се изгубија и посакуваме во таа загуба нашите пријатели и нашите семејства, ако се организирани, денес со пораката прво да покажеме дека сме организирани и против загубата да повикаме на спас, за свесност, за вредностите кои секој од нас мора да ги заштити“, рече Рамадан Рамадани.
На прашањето дали се разочарани од бројот на присутни, вели дека нивна обврска е да се јават, додека обврска на граѓаните е да одговорат на повикот за заштита на општествените вредности.
