ФОТО: Наезда на змии низ Скопје, се поставува средство за спречување појава на змии

Наезда на змии низ Скопје. До нашата редакција неколку граѓани се пожалија дека во општина Аеродром, Градскиот парк и Карпош деновиве забележале влекачи.

Токму поради ова, Општина Карпош информира дека во тек е акција за поставување „Репелент“ – средство за превенција, односно заштита од змиите.

– Станува збор за природен производ кој е безопасен за луѓето, животните и околината, којшто придонесува за намалување на појавата на влекачи. Појавата на влекачи во овие делови е резултат на покачените температури во скопската котлина, како и распространетата вегетација. Оваа ситуација е карактеристична за повисоките места во општината, како што се Жданец и Трнодол и населби кои граничат со шумско подрачје, информираат од општината.

Како што соопшти општина Карпош, ова ефикасно средство содржи екстракција на етерични масла од тревки и дрвја, а дејствува на тој начин што шири мирис на свеж оган, при што ги одбива змиите да се приближат до одредена површина.