ФОТО: Храбрите пожарникари од Охрид фатија змија, еве како изгледа!
Пожарникарите од ТППЕ Охрид – Пожарна попладнево на својот Фејсбук профил објавија фотографии со змија.
Засега не е познато дали истата е спасена, но според фотографиите се работи за долга змија од околу 1 метар.
Со топлото време се појавија и змиите, па затоа во продолжение еве што е важно да знаете:
Одржување на околината уредна
Првата линија на одбрана од змиите во населбите е да ја одржуваме околината уредна за да го намалиме бројот на места што змијата може да ползи, да се сокрие и да направи гнездо. Тоа се постигнува со редовно косење и отстранување на камења, градежни материјали, лим и сличен отпад. Во просторот каде што се чуваат, многу е важно да се врши редовно истребување за да се намали бројот на глувци кои се извор на храна за нив.
Направете средство за заштита од змии
Ако се чини дека змиите секогаш го наоѓаат патот до вашиот двор, држете ги подалеку со амонијак. Змиите го мразат мирисот на амонијак. Така, старите партали или облека потопете ги во амонијак и оставете ги на неколку места во дворот.
Чувајте ги змиите надвор од базенот
Ако сакате да ги држите змиите и инсектите подалеку од вашиот базен, посипете оцет околу рабовите.
Друг начин да ги избркате змиите
Верувале или не, змиите не ги сакаат луѓето колку што ние не ги сакаме. Можете да ги држите змиите надвор од вашиот двор така што ќе им дадете до знаење дека живеете таму. Како? Откако ќе ја четкате косата, влакната оставени на четката фрлете ги околу рабовите на дворот. Змијата ќе ја мириса косата и ќе се држи настрана.
