ФОТО: Авион кружи на Охрид и не може да слета поради невреме!
Авион од компанијата „Визер“ кој полета од Малме, Шведска, не може да слета на охридскиот аеродром.
Причината е силното невреме кое ја зафати југо-западна Македонија. Авионот кружеше околу границата Албанија-Македонија, потоа и над Струга.
Имаше и обид за слетување, но наместо тоа, пилотот помина само преку аеродромот „св. Петар и Павле“ во Охрид. Авинот направи круг и над селата Оровник, Горенци, Требеништа, Мислешево. Бидејќи немаше услови да слета, го надлетуваше и Охридското Езеро.
Планирано време за слетување беше во 11 часот.
Подоцна авионот беше пренасочен кон Тирана и таму успешно слета. Патниците ќе бидат транспортирани до Скопје со автобуси.
