ФОТО Ако го видите веднаш пријавете, ова е ладнокрвниот убиец од Ист Гејт
Министерството за внатрешни работи објави слика од ладнокрвниот убиец кој денеска пукаше во Раде Трајковски Штекли и во уште еден негов пријател со кој заедно беа на ескалатор напуштајќи го трговскиот центар каде што биле во фитнес.
„Во врска со пукањето кон две лица од огнено оружје кое беше пријавено денеска во трговскиот центар Ист Гејт во Скопје, кои се здобиле со повреди и се пренесени во болница за укажување помош, МВР ја информира јавноста дека на фотографијата обезбедена од полициските служби е лицето што го изврши кривично-правниот настан“, велат од МВР.
Притоа, ги повикуваме сите граѓани доколку го забележат ова лице, имаат било какви сознанија за него или корисна информација која може да помогне во истрагата која СВР Скопје ја води во координација со Јавен обвинител, веднаш да известат во најблиската полициска станица или да пријават на телефонските броеви 192 или 112.
