Фон дер Лајен пристигна во Киев, се очекува да зборува во парламентот: Тема на посетата – кандидатура за членство во ЕУ
Претседателката на Европската комисија, Урсула фон дер Лајен денеска пристигна во Киев пред извештајот што ЕУ треба да го претстави следната недела за напредокот на Украина во нејзината кандидатура за членство, изјави украинскиот пратеник Јарослав Железниак.
Железњак на својот канал Телеграм објави дека се очекува фон дер Лајен да зборува во украинскиот парламент.
Во извештајот се очекува ЕУ детално да опише колку напредувала Украина во исполнувањето на различни економски, правни и други критериуми за да го отвори патот за почеток на пристапните преговори во декември.
Украина, која аплицираше за пристапување во ЕУ неколку дена по почетокот на руската воена акција во февруари 2022 година, смета дека пристапувањето во трговскиот блок е главен приоритет.
На самитот во декември, 27-те членки на ЕУ се очекува да одлучат дали ќе му дозволат на Киев да ги започне пристапните преговори, потег што бара едногласна поддршка од сите членки на блокот.
Иницијативата на Украина доби поттик во четвртокот, 2 ноември, кога германската министерка за надворешни работи Аналена Бербок рече дека е уверена дека блокот ќе направи чекор понатаму следниот месец во врска со апликацијата на Украина.
