Фирмата по грешка му исплатила на работникот 367 пати поголема плата, тој одбил да ги врати парите: Не помина убаво…
Работник во унгарска фирма наместо форинти по грешка примил плата од 92.549 евра, па добил 367 пати повеќе пари отколку што му следувале.
Човек кому компанијата му ја прекина работата пред истекот на пробниот период и дал на компанијата сметка во австриска банка за да ја исплати преостанатата плата. Компанијата на таа сметка префрлила 92.549 евра наместо 92.549 унгарски форинти што му ги должела, а се во вредност од 238 евра.
Набргу потоа, компанијата ја открила грешката и побарала од човекот да го врати вишокот. Тој одбил да го стори тоа, оправдувајќи се на различни начини. Меѓу другото, тој им кажал дека нема пристап до сметка во австриска банка.
Истовремено од банкомат во градот Капошвар на југозапад од Унгарија подигнал околу 15.000 евра. Бидејќи поранешниот вработен упорно одбивал да и го врати вишокот на фирмата, обвинителството поднело пријава против него.
Тој беше обвинет за незаконско присвојување средства, соопшти обвинителството. Австриските власти успеале да и вратат поголем дел од парите на оштетената компанија.
Обвинителството во Капошвар бара изрекување парична казна и бара надоместување на преостанатите штети на компанијата.
