Финанскиско друштво со три милиони евра направи добивка од 1,2 милиони евра
Финансиското друштво за брзи кредити Еазу Фајнанс АД Скопје, кое пред неколку години се трансформираше во акционерско друштво, на „Македонска берза“ објави дека за 2024 има остварено двојно поголема добивка.
Со приходи од 189 милиони денари, односно со околу 3 милиони евра, единственото акционерско друштво од оваа дејност остварило 72 милиони денари чиста добивка по оданочување. Профитот изнесува околу 1,2 милиони евра и тој е за повеќе од двојно поголем од една година претходно (500 илјади евра).
Членови на органот на управување се Шерефедин Амити, Анита Богоевска и Рајна Петкова Енчев. Покрај со одобрување кредити, друштвото се занимава и со издавање и администрирање кредитни картички и со факторинг. Во сопственост е на едно физичко лице.
Давањето брзи кредити од финансиските друштва е и тоа како профитабилна дејност во последно време, а високите каматни стапки претставуваат високи профитни стапки.
За сопственичкиот капитал на компанијата е наведено дека е 100 отсто сопственост на едно физичко лице.
А.К.
