„Фала му на Бога што стигнавте“ – По 94 часа, од урнатините во Газиантеп е извлечен тинејџер

Тинејџер рано изутринава неповреден е извлечен од урнатините на зграда во турскиот град Газиантеп, четири дена по катастрофалниот земјотрес.

Пред зори во Газиантеп, во близина на епицентарот на земјотресот, спасувачите го извлекоа Аднан Мухамед Коркут од подрумот каде што беше заробен од понеделникот. 17-годишникот се насмевна на толпата пријатели и роднини кои го скандираа неговото име, ракоплескаа и плачеа додека го носеа и го ставаа на носилки.

„Фала му на Бога што стигнавте“, рече тој, гушкајќи ја мајка си и другите кои се наведнаа да го бакнат и прегрнат додека го ставаа во амбулантата.

„Ви благодарам на сите“, рече тој.

Тинејџерот вели дека бил принуден да ја пие сопствената урина за да ја задоволи жедта. „Така успеав да преживеам“, рече тој.

„Имам син како тебе“, му рекол спасувачот, идентификуван само како Јасемин, откако го прегрнал.

„Ви се колнам, не спиев четири дена. Се колнам дека не спиев. Се обидував да те извлечам“, додаде спасувачот.