ФАКТОР НА ДЕНОТ: Владата ги коригираше замрзнатите цени на овошјето и зеленчукот
НОВИ ЦЕНИ НА ОВОШЈЕТО И ЗЕЛЕНЧУКОТ
Владата на денешната 146-та седница донесе Oдлука за изменување на Одлуката за определување највисоки цени за одделни производи во трговијата на мало.
Согласно одлуката се утврдува цена во висина: до 95 денари за килограм свежи домати, до 95 денари за килограм свежи краставици, до 70 денари за килограм кромид, до 100 денари за килограм свежи зелени пиперки, до 95 денари за килограм грав, до 110 денари за килограм леќа, до 75 денари за килограм банани, до 60 денари за килограм портокали, до 65 денари за килограм мандарини и до 60 денари за килограм лимони.
ЛЕВИЦА ПОДНЕСЕ ИЛЈАДА АМАНДМАНИ ЗА ЗАКОНОТ ЗА РАБОТНИ ОДНОСИ
Пратеникот од политичката партија „Левица“, Борислав Крмов на својот фејсбук профил денеска објави дека во Собранието доставиле над илјада амандмани само за најавените измени на Законот за работни односи.
– Левица против корпоративниот феудализам!
1.111 амандмани поднесени за Предлог-законот за изменување и дополнување на Законот за работните односи со кој неуставно, работната недела од 40 часа се зголемува на 60 часа и работниците ќе работат и недела.
ДИРЕКТОРОТ НА БИТОЛСКАТА БОЛНИЦА ПОДНЕСЕ ОСТАВКА
Вчера ја најави, денеска веќе ја депонираше оставката, потврди за Фактор директорот на Клиничката Болница-Битола, д-р Александар Обедниковски, специјалист ортопед, сипспецијалист трауматолог.
По неполна година дена, тој ја напушта директорската функција, како што вели од морални причини бидејќи во последниве три недели таму се случија два немили настани, две големи трагедии кои силно ја вознемирија македонската јавност. Додека сè уште се чекаат резултатите од обдукцијата на шест-годишната Јана, која на 22.март почина само четири часа откако беше примена на Детското одделение, по дадена инфузија, во битолската болница, завчера, односно во неделата починало новороденче, само два часа по раѓањето.
ЧИТАЈТЕ УШТЕ
Во земјава расте интересот за садење маслинки. Најчесто за ваков агробизнис се одлучуваат млади луѓе. Ги засадуваат во јужните делови на Македонија. Сепак, граѓаните имаат доста дилеми за маслинките, начинот на одгледување и веруваат дека тие ќе виреат само во топлите краеви. Има различни видови на маслинки кои успеваат и се барани на пазарот.
Откако пред неколку дена Владата со одлука ги замрзна цените на 11 земјоделски производи, меѓу кои и гравот, деновиве овој производ не може да се најде никаде во маркетите.
Изгоре од температура цела недела, над 39…Во последниве неколку недели ова често го кажуваат мајките на дечиња на помала возраст и евидентно е зголемување на бројот на деца кои во овој период се разболуваат.
Државниот завод за ревизија во својот последен извештај утврди дека операторот за пренос на електрична енергија МЕПСО и исплатил на термоелектраната ТЕЦ Неготино сума од 9 милиони евра за да биде подготвена за работа во секое време, но таа не се вклучила кога е најпотребно – во екот на енергетската криза.
Членката на Управниот одбор на фармацевтската компанија „Реплек“, Билјана Несторовска-Ѓошевска поднела оставка од таа функција, а оставката и била прифатена од Надзорниот одбор, кој ја разрешил од таа позиција.
Трајче Ристовски е нашинецот од Америка кој ќе го гради големиот комплекс во Кавадарци, Литл Америка, и во кој планира да вложи 30 милиони евра.
Коста Костовски, еден од косопствениците на пропадната Еуростандард банка, во разговор за Фактор, реагира на повеќе аспекти од водењето на стечајната постапка за банката.
