ФАКТОР НА ДЕНОТ: Новиот гувернер Трајко Славески вети дека ќе ја оправда довербата, приоритет ќе му биде ниска инфлација
ТРАЈКО СЛАВЕСКИ ГИ ПРЕТСТАВИ ПРИОРИТЕТИТЕ
Новоизбраниот вицегувернер Трајко Славески денеска во Собранието даде свечена изјава пред претседателот на законодавниот дом Африм Гаши и генералната секретарка на Собранието, Марина Димовска.
Славевски синоќа пред полноќ со 68 пратенички гласови беше изгласан за нов гувернер на Народна банка со мандат од седум години, а на таа позиција ќе ја наследи Анета Ангеловска-Бежоска.
„Ветувам дека ќе ја оправдам довербата, а оние кои имаат некакви забелешки ќе ги убедам во спортивното, дека Народна банка била и ќе остане независна институција, посочи новоизбраниот гувернер на Народната банка Трајко Славески, во денешната свечена изјава.
АРСОВСКА И ГАНИУ ПРОДОЛЖУВААТ СО КАВГАТА
Продолжува драмата помеѓу градоначалничката на град Скопје, Данела Арсовска и градоначалникот на Чаир, Висар Ганиу. Во доцните часови, ноќеска, Ганиу организирано со камиони и со граѓани, заминаа пред Град Скопје каде истурија ѓубре пред влезот на градот.
Набрзо, на местото се појави градоначалничката, Данела Арсовска, која на присутните им бараше телефонски број од Ганиу за да го повика да дојде и нагласи дека во општина Чаир го чекала 4/5 часа.
ИСТРАГАТА ЗА ПОЖАРОТ ВО КОЧАНИ Е ЗАВРШЕНА
Државниот јавен обвинител Љупчо Коцевски вели дека истрагата за пожарот во Кочани е завршена, а од утре почнува увидот на одбраната во доказите.
Тој за Тв 24 вели дека засега не може да прецизира колкав ќе биде конечниот број обвинети, а најави можност за некои да биде прекината истрагата. Kaжа дека се работи за многу сложена истрага.
Коцевски вели, полицијата влегла во „Пулс“ 15 минути пред пожарот.
ОЈО ЈА ОТФРЛИ ПРИЈАВАТА ЗА СЕРТИФИКАТОТ НА БОЈАН ХРИСТОВСКИ
Друг сертификат по англиски јазик го спаси директорот на АНБ, Бојан Христовски, а ОЈО ја отфрли пријавата.
Јавниот обвинител ја отфрли анонимната кривична пријава против директорот на АНБ Бојан Христовски во која тој се обвинуваше за лажен сертификат по англиски јазик издаден од училиште во Бугарија. Иако македонското обвинителство побарало од бугарските колеги да го проверат центарот од каде што бил издаден сертификатот „Јулија КО ЛТД“ сепак сопственичката не била достапна за сведочење, па меѓународната правна помош не била од корист.
ЧИТАЈТЕ УШТЕ
Во услови кога температурите во Европа достигнуваат рекордни вредности, Македонија веќе го подготви Акцискиот план за превенирање на последиците од топлотните бранови врз здравјето на населението (2025–2030).
Во земјава се случувало работник да побара покачување на плата, да го добие и по кратко време да добие отказ. Работниците ова го гледаат како еден вид одмазда и порака дека секој работник е заменлив.
Една од најпознатите компании за дистрибуција на пијалоци, Скопско Груп ДООЕЛ Кавадарци, влегува во компанијата „Аутомакедонија“.
Бизнисменот и угостител Лазе Таневски по точно една година откако му истече пратеничкиот мандат во Собранието и законски доделената апанажа од 12 месеци, се врати повторно на чело на охридските хотели кои што ги менаџира.
