ЕВРОПСКАТА УНИЈА СЕ ДАВИ ВО КОРУПЦИЈА Виктор Орбан без влакна на јазикот
Унгарскиот премиер Виктор Орбан изјави дека Европската Унија „се дави во корупција“, коментирајќи ја истрагата за наводни злоупотреби во проект финансиран од ЕУ за обука на млади дипломати.
„ЕУ се дави во корупција. Комесарите се соочуваат со сериозни обвиненија, Комисијата и Парламентот се опфатени со скандали, а Брисел и понатаму држи лекции по морал“, напиша Орбан на социјалната мрежа Икс.
Неговата реакција следува откако белгиската федерална полиција во вторникот, на барање на Европското јавно обвинителство (ЕППО), ги приведе поранешната шефица на европската дипломатија Федерика Могерини, висок член на Колеџот на Европа во Бриж, и висок функционер на Европската комисија.
ЕППО соопшти дека истрагата се однесува на тоа дали доверливи критериуми за избор на учесници во ЕУ Дипломатската академија – деветмесечна програма за млади дипломати доделена на Колеџот во периодот 2021–2022 – биле незаконски споделувани пред објавата на тендерот.
Орбан напиша и дека „корупцијата во Украина треба да биде јавно посочена од ЕУ, но повторно се повторува истата приказна – Брисел и Киев се штитат меѓусебно наместо да се соочат со вистината“.
The EU is drowning in corruption. Commissioners face serious charges, the Commission and the Parliament are engulfed in scandal, yet Brussels still claims the moral high ground. Corruption in Ukraine should be called out by the EU, but once again it’s the same old story:… pic.twitter.com/m9PwkrqzwX
— Orbán Viktor (@PM_ViktorOrban) December 5, 2025
.
