ЕВРОПСКА ДРЖАВА ВРАЌА 400 ЕВРА НА ГРАЃАНИТЕ: За ова не треба да поднесуваат барање

Без потреба од поднесување на барање, просечниот поврат на данок во Австрија минатата година изнесувал 378,80 евра по лице – објави Министерството за финансии.

Станува збор за автоматско пресметување на данокот што се прави за сите вработени кои самостојно не поднеле барање за поврат до 1 јули претходната година.

Автоматското враќање се однесува на даночната 2023 година, додека пресметката за 2024 година се очекува од јули 2025 година. Според досегашните податоци, просечниот износ што ќе се исплати ќе биде околу 400 евра.

Околу 1,7 милиони граѓани во Австрија го користеле овој автоматски систем и вкупно добиле назад повеќе од 631 милион евра. Сепак, оние кои сакаат да добијат поголем поврат – честопати до 500-600 евра повеќе – можат последователно да поднесат свое барање и со тоа да го побараат правото на дополнителни бенефиции.

Кој може да добие повеќе пари?

Личното поднесување ви овозможува да ги пријавите сите трошоци што ја намалуваат даночната основа, како што се:

трошоци поврзани со работата (Werbungskosten),

посебни трошоци,

олеснување во врска со деца, брак или ниски приходи.

На пример, оваа година, ретроактивно се исплаќа зголемен семеен бонус за деца, што значително го зголемува повратот за многумина.

/faktor.mk