Естонска банка со мерки против Србија и Ерменија затоа што не вовеле санкции против Русија
Естонска банка – „ЛХВ“ денеска соопшти дека од 1 септември ќе воведе нови ограничувања за плаќања со Србија и со уште четири земји, бидејќи не воведоа санкции против Русија по агресијата врз Украина.
„Во врска со тешката меѓународна ситуација предизвикана од руската агресија, од 1 септември 2023 година, плаќањата не можат да се вршат или примаат од банките во Ерменија, Србија, Узбекистан, Киргистан и Казахстан“, објави ЛХВ банката на својата веб-страница.
Оттаму додаваат дека ограничувањето се однесува на сите валути, како и на сите банкарски подружници кои можат да бидат регистрирани или да работат надвор од споменатите земји.
„Се обидуваме да обезбедиме сите плаќања направени до 31 август 2023 година, вклучително и до 31 август 2023 година, да стигнат до примателите. Сите плаќања направени по 1 септември 2023 година ќе му бидат вратени на исплатувачот“, наведува естонската банка на својата веб-страница.
Оттаму додаваат дека ќе добиваат исплати од споменатите земји во, како што велат, „исклучителни случаи“, доколку примачот на уплатата ја известил банката за својот оправдан интерес (на пр. национални интереси на Естонија, социјални причини итн.).
