Ердоган и Зеленски остварија телефонски разговор
Шефот на турската држава Реџеп Таип Ердоган имаше телефонски разговор со претседателот на Украина Володимир Зеленски, соопшти Дирекцијата за комуникации на турското претседателство.
За време на разговорот, се дискутираше за регионални и глобални прашања, вклучително и војната меѓу Украина и Русија.
Претседателот Ердоган изјави дека Турција прави големи напори да го запре крвопролевањето во Украина и во Појасот Газа, како и да постигне траен мир во проблематичните области.
Тој повторно ја изрази подготвеноста на Турција да ја преземе улогата на посредник и домаќин на преговорите за постигнување мир во Украина. Ердоган изјави и дека е важно „житниот коридор“ да се реструктуира и повторно да почне да функционира и дека продолжува да одржува дипломатски контакти за реализација на оваа цел.
Турскиот лидер додаде дека „прекинот на огнот во Украина треба да се воспостави што е можно поскоро“.
