Емотивни обраќања на исландските функционери откако лавата се излеа во градот: Градоначалникот рече – скршени сме
Риболовниот град Гриндавик на југозападниот дел на Исланд утринава повторно беше под закана, откако почна ерупцијата на вулканот, за што жителите беа предупредени претходната вечер, а им беше наредено да се евакуираат. Во неделата вечерта лавата се доближила до куќите, некои од нив изгореле.
Во вонредното обраќање до нацијата во 20 часот, исландскиот претседател Гудни Јоханесон ги повика Исланѓаните да „стојат заедно и да имаат сочувство за оние кои не можат да бидат во своите домови“.
Како што пренесува AFP, тој рече дека „се надева дека ситуацијата ќе се смири, но се може да се случи“.
Премиерката на Исланд Катрин Јакобсдотир на прес-конференцијата рече дека „денес е црн ден за Гриндавик и за цел Исланд“, но дека сонцето повторно ќе изгрее.
„Заедно ќе се справиме со овој шок и се што може да дојде. Нашите мисли и молитви се со вас“, рече таа.
Градоначалникот на Гриндавик, Фанар Јонасо, беше особено емотивен, кој рече дека локалното население е уништено.
„Веќе не сме само свиткани, туку скршени. Затоа сега треба да ја добиеме поддршката од владата. Знаеме дека нацијата е со нас во ова и сочувствува, но мораме да добиеме широка поддршка и напорно работиме на тоа“, рече тој.
Тој предупреди дека може да има уште куќи кои ќе бидат зафатени од пожарот.
Властите исто така истакнаа дека ова е најопасната ситуација предизвикана од вулкански закани на Исланд од 1973 година.
